Suenter la runda d’atun en la segunda liga interregiunala è Cuira 97 sin plazza 6 cun 23 puncts e bler avantatg sin ils plazs da relegaziun. Per la primavaira èn dentant giugaders crudads davent. Surtut vegn l'attatgader Nicolò Pola a mancar. Ma era il stil da trenar saja sa midà suenter la midada da trenader.
Tschei onn da quei temps er’jeu pli fit che uss.
El na saja betg uschè fit sco l’onn passà, manegia il giugader Sursilvan tar Cuira, Carlo Bearth. Ma i bastia era uschia per dar 90 minutas. Cumpareglià cun ils trenaments sut Thomas Waser sajan quels tar Jouke Faber pulit differents. Tge che portia dapli saja uss anc grev da dir. L’equipa para dentant dad esser pronta per la runda da return.
Rafael Gomes ha gì plaschair d'avair dapli contact cun il bal gia baud en la preparaziun. Quai plascha ad el bler meglier ch’ils trenaments fisics. Ins stoppia dentant esser fits per dar bal, conceda era el.
La runda da return cumenza per Cuira dumengia, ils 19 da mars ordaifer cunter igl FC Uster.
RR Sportissimo 17:00