Siglir tar il cuntegn

Regiunal Victoria grischuna tar il champiunadi d’Europa U18 a Claustra

Il duo Jakub Paul e Damien Wenger gudogna il titel tar il turnier dubel. Zsombor Piros da l’Ungaria e Kaja Juvan da la Slovenia quels da las concurrenzas singulas.

Purtret da Damien Wenger, Yves Allegro, coach da Swiss Tennis, e Jakub Paul (da san.).
Legenda: Damien Wenger, Yves Allegro, coach da Swiss Tennis, e Jakub Paul (da san.). MAD

Success per l’equipa da Swiss Tennis tar il champiunadi d’Europa U18 a Claustra. Per l’emprima giada dapi il 2001 gudogna puspè ina equipa indigena la medaglia dad aur tar il turnier a Claustra. Jakub Paul batta ensemen cun ses partenari Damien Wenger l’equipa da la Russia.

Tar las concurrenzas singulas gudognan Zsombor Piros da l'Ungaria e Kaja Juvan da la Slovenia. Piros aveva gia gudagnà il turnier da juniors Australian Open e triumfescha uss er a Claustra.

La gronda speranza tar las giuvnas, la grischuna Simona Waltert da Cuira aveva terminà il turnier en il quart final.

RR novitads 16:00