Victoria per Cuira e Partenz/Signuradi - terrada per San Murezzan

Fertant ch'ils Cuira Capricorns gudognan era il segund gieu dal mezfinal en emprima liga, perda il Club da hockey San Murezzan ses emprim gieu da mezfinal.

pucks da hockey en la naiv Bild in Lightbox öffnen.

Legenda da maletgs: En il hockey regiunal èn ils pucks sgulads duas giadas a favur dals clubs grischuns. Keystone

Il EHC da San Murezzan ha pers ordaifer la prima partida da mezfinal cunter il EHC Dürnten Vikings cun 2:6. San Murezzan ha bain sajettà il prim gol, Dürnten ha dentant gia pudì egualisar la partida avant l’emprima pausa.

En il terz terz ha la squadra da Turitg lura fatg la differenza. Aifer be 9 minutas ha il EHC Dürnten sajettà 4 gols cunter il club da hockey da San Murezzan ed uschia decidì la partia.

La proxima partida da la seria da mezfinal è sonda saira a partir da las 17.00. Lura dentant a San Murezzan.

Segunda victoria per Cuira Capricorns

En il segund gieu da mezfinal dals playoffs d'emprima liga han ils Cuira Capricorns gudagna a chasa cunter l'EHC Dübendorf cun 5:3 En la seria statti 2:0 per Cuira.

En segunda liga ha il club da hockey Partenz/Signuradi cumenzà il mezfinal da playoff cunter l'SC Herisau cun ina victoria. Ils grischuns han gudagnà il gieu da chasa cun 6:4.