Siglir tar il cuntegn
Inhalt

Regiunal Victoria taliana ed indigena tar il maraton da velo a Zernez

Thomas Gschnitzer da Sterzing en il Tirol dal Sid gudogna la cursa roiala dal maraton da velo a Zernez. Fadri Barandun da Samedan gudogna cursa curta.

Thomas Gschnitzer ha duvrà per ils 214 kilometers da la cursa roiala sur ils Pass dal Flüela e da l'Alvra 6:11:47. Gia baud ha el savì mitschar cun ina gruppa dad otg ciclists. Sin ils davos meters da la cursa era Thomas Gschnitzer mo pli en cumpagnia da Mathias Nothegger da l’Austria e da Maxine Galletti da Monthey. Gschnitzer ha dentant pudì far la differenza ed ha gudagnà cun trais meters avantatg.

La cursa curta da 97 kilometers gudogna l’indigen Fadri Barandun da Samedan. Da la partida er era stà l’anteriur profi da ciclissem e victur da la Vuelta d’España e dal Giro d’Italia – Tony Rominger. El ha terminà la cursa en sia categoria sco 34.

RR sportissimo 17:00