Siglir tar il cuntegn
Inhalt

Regiunal Visita prominenta tar il CB Schlarigna

Il campiun da record svizzer, il Grasshopper Club Zürich, vegn durant il camp da trenament a Schlarigna, e dat in gieu d'amicizia cunter l’equipa engiadinaisa.

Logo CB Schlarigna
Legenda: Logo CB Schlarigna RTR, Roman Dobler

Adina puspè vegnan grondas equipas en l'Engiadina per in camp da trenament. Savens cumbineschan quellas equipas lur camp cun ina partida d'amicizia cunter l’equipa indigena. Questa giada èsi il CB Schlarigna da la 4. liga. Sin la plazza San Gian a Schlarigna era gia Christian Gross cun il FC Basilea sin visita. Era Ottmar Hitzfeld è stà là cun l’equipa naziunala svizra.

Er quest onn vegn ina grond'equipa per in camp da trenament a Schlarigna. Igl è il Grasshopper Club Zürich cun il trenader Thorsten Fink ch'arriva en l'Engiadina.

Camp da trenament cun gieu d'amicizia

GC trenescha durant l’entira emna sin la plazza San Gian a Schlarigna. Mardi (3-7-2018) vegn il campiun da record a dar ina partida d'amicizia cunter il CB Schlarigna. L’emprim guarda l’equipa da Turitg la partida dad otgavelfinal da la Svizra cunter la Svezia tar il campiunadi mundial en Russia. Suenter dat l’equipa lura cunter il CB Schlarigna.

RR novitads 20:00