Siglir tar il cuntegn

Header

cuntegn

Regiunal Vital Albin e Laila Orenos gudognan GP Val

Tar la 33avla ediziun da la cursa da velo tranter Glion e Val è il giuven mountainbiker da Tersnaus Vital Albin stads il pli spert. El ha gudagnà la concurrenza tar ils umens cun in temp da 41:13,8 minutas.

Tar las dunnas è Laila Orenos stada la pli sperta, ella ha duvrà bun 49 minutas per ils 21.5 kilometers. Sin plaz dus è ina indigena, Judith Huonder da Mustér ha duvrà 51:01,8 minutas per il tschancun da Glion enfin Val.

Las cundiziuns per la cursa n’èn betg stadas idealas. Igl è stà fraid, ha pluvì e per part schizunt dà naiv. Tuttina èn 110 activs stads a la partenza. Marcus Derungs dal comité d’organisaziun è fitg cuntent cun la cursa. L’auter onn fissi sulet bun, sche l’aura fiss meglra che quest onn.

audio
Marcus Derungs, comité d'organisaziun
ord Sportissimo dals 01.05.2016.
laschar ir. Durada: 2 minutas 36 Secundas.

Artitgels legids il pli savens