La rembladra Jeannine Gmelin ha manchentà ina medaglia als gieus olimpics a Tokio. Sco a Rio il 2016, è la Turitgaisa da 31 onns vegnida tschintgavla. La finala ha mancà ad ella bun ina secunda sin las medaglias.
Gist suenter la cursa saja ella stada dischillusiunada ch'i n'ha puspè betg bastà per ina medaglia. Tuttina haja ella pudì mussar ch'ella tutga dapi onns tar las meglras rembladras dal mund. Da quai saja ella loscha, ha Jeannine Gmelin ditg en l'intervista cun SRF. Gmelin è tranter auter stada campiunessa mundiala il 2017 e campiunessa europeica il 2018.
Aur per Nova Zelanda
Campiunessa olimpica è vegnida a moda suverana Emma Twigg da la Nova Zelanda. Argient ha gudagnà la Russa Hanna Prakatsen, bronz l’Austriaca Magdalena Lobnig.
