RetrOrachel - Svizra vs. Albania: Tge di noss retrOrachel?
Il retrOrachel dad RTR mira en il futur, e quai avant mintga gieu da l'equipa naziunala Svizra. Il gieu FIFA’98 sin il Nintendo64 duai prognostitgar il resultat. Nus avain giugà il gieu Svizra vs. Albania cun l’attatgader da la US Schluein Glion Gabriel Derungs.
Gabriel Derungs è attatgader tar la US Schluein Glion. El ha era gia experientschas cun gieus cunter equipas naziunalas. El ha numnadamain giugà cun Schluein cunter l'equipa naziunala da l’Austria. Là sajan tuts dentant plitost stads defensurs, di Gabriel Derungs.
Per il retrOrachel dad RTR vul el ussa dentant gudagnar trais puncts per la Svizra cunter l’Albania.
