Siglir tar il cuntegn

Header

audio
Revista 2022: Gieus olimpics & Qatar
Or da Actualitad dals 31.12.2022. Maletg: RTR
laschar ir. Durada: 5 minutas 7 Secundas.
cuntegn

Revista 2022 Prestaziuns solidas a Bejing – dischillusiun a Qatar

Prestaziuns solidas a Bejing

Per l’emprima giada en l’istorgia ha quai dà gieus olimpics da stad e d’enviern en il medem lieu. 14 onns suenter ils gieus olimpics la stad 2008 a Bejing ha la metropola chinaisa envidà il mund per ils gieus olimpics d’enviern. Cun 15 medaglias en il satgados ha la delegaziun svizra cuntanschì la finamira. Surtut las skiunzas ed ils skiunz han persvadì. Nov medaglias van sin lur conto e cun las victorias da Beat Feuz e Corinne Suter en las cursas aval gest anc las medaglias cun la pli gronda valur da prestige.

Dischillusiun a Qatar

Bleras discussiuns avant, durant ed era suenter il campiunadi mundial en il Qatar. Avant e durant il campiunadi en sasez pervia da la surdada dal campiunadi. E suenter pervia da la fin andetga dals siemis svizzers. La Naziunala svizra ha puspè pers ina partida dad otgavelfinal. Questa giada cun ina frida dad 1:6 encunter il Portugal. Frust tar la Naziunala svizra e plaschair senza fin tar l’Argentina enturn il superstar Lionel Messi. Per l’emprima giada dapi 36 onns turna la pli impurtanta trofea da ballape en l’Argentina.

Il sport da karate en l'Engiadina

En l'Engiadina treneschan ed emprendan circa 50 uffants karate en la scola «Kyokushinkai Karate Engiadina». Ils uffants han la pussaivladad da trenar ina giada l’emna a Zuoz, a S-chanf ed ad Ardez. Quai che ha cumenzà fitg pitschen è creschì durant ils ultims onns ad in bel moviment.

Cumenzà ha tut cun in bab che vuleva trenar karate en l'Engiadina. Suenter in pèr trenaments ha il bab ina giada era prendì ses figl cun el – e schont era sveglià l’interess per quest sport er tar l’uffant. Suenter l’emprim è vegnì latiers in segund, ed adina uschia vinavant.

audio
Il sport da karate en l'Engiadina
ord Actualitad dals 31.12.2022. Maletg: RTR
laschar ir. Durada: 3 minutas 23 Secundas.

RTR actualitad 07:06

Artitgels legids il pli savens

Scrollar a sanestra Scrollar a dretga