Siglir tar il cuntegn

Header

cuntegn

Roland Garros Djokovic e Tsitsipas en final

Novak Djokovic ha gudagnà il gieu da mezfinal a Paris cunter Rafael Nadal - quai en 4 sets cun 3:6, 6:3, 7:6 e 6:2. Igl è la 6avla giada ch'il nummer 1 dal mund cuntanscha il final dals French Open e la segunda giada ch'el batta Nadal a Paris.

Nadal vala sco retg da Paris suenter avair gudagnà quest turnier betg main che 13 giadas. En il final frunta Djokovic sin Stefanos Tsitsipas.

video
Djokovic gudogna cunter Nadal
Or da Sport-Clip dals 11.06.2021.
laschar ir. Durada: 35 Secundas.

Tsitsipas emprim finalist a Paris

Stefanos Tsitsipas è l'emprim finalist dal French Open da quest onn. Il Grec ha battì en il mezfinal il Tudestg Alexander Zverev en 5 sets cun 6:3, 6:3, 4:6, 4:6 e 6:3.

Il Grec frunta en ses emprim final dad in Grand Slam sin il victur da la partida tranter Rafael Nadal, ch'ha gudagnà 13 giadas a Paris, ed il numer in dal mund Novak Djokovic.

video
Tsitsipas termina la partida cun in ass
Or da Sport-Clip dals 11.06.2021.
laschar ir. Durada: 45 Secundas.

Ferma stagiun sin il sablun

Che Tsitsipas tutga tar in dals favurits a Roland Garros ha el gia mussà bainbaud en la stagiun. Gia l'emprim turnier sin sablun questa stagiun a Monte Carlo ha il Grec gudagnà. Silsuenter ha el fatg a Barcelona il pass enfin il final – la ha el dentant malgrà balla da matsch pers cunter Rafael Nadal. Suenter Barcelona ha l'atlet da 22 onns er gudagnà l'ultim turnier da preparaziun a Lyon.

RTR Novitads 20:00

Artitgels legids il pli savens