Siglir tar il cuntegn

Header

video
Federer batta Cilic
Or da Sport-Clip dals 03.06.2021.
laschar ir
cuntegn

Roland Garros Federer en quatter sets en runda trais

Roger Federer stat en la terza runda dal French Open. Il Svizzer ha battì Marin Cilic en 4 sets cun 6:2, 2:6, 7:6 e 6:2.

Uschè suveran sco la partida cunter Denis Isotomin n'è la segunda partida da Federer a Paris betg stada. Era sche Cilic n'è betg pli uschè ferms sco en ses megliers onns, è el tuttina stà ina sfida per il Svizzer. Blers winners e blers sbagls, uschia sa lascha resumar la partida dal Croat.

Federer ha bain giu da cumbatter – ha tut en tut dentant fatg ina buna impressiun. En la proxima runda frunta Federer sin il Tudestg Dominik Koepfer che ha gudagnà cunter l'American Taylor Fritz.

Er Djokovic suveran

Il numer in dal mund ha cuntanschì senza problems la proxima runda. Il Serb ha battì Puablo Cuevas da l'Uruguai en trais sets cun 6:3, 6:2 e 6:2. En la proxima runda frunta el sin il Lituan Ricardas Berankis.

RTR novitads 20:00

Artitgels legids il pli savens

Scrollar a sanestra Scrollar a dretga