En l’otgavla partida da qualificaziun per il campiunadi mundial l’onn 2023 perda l’equipa naziunala da las dunnas per l’emprima giada. Uschia na sa repeta l’istorgia encunter l’Italia betg. Il november aveva la naziunala da las dunnas anc batti la squadra Azzurra. Ditg ha la Svizra dentant tegnì avert il gieu. Pir en la 82avla minuta ha l’Italia fatg il gol decisiv cun pudair trair in culp liber. Cristiana Girelli ha procurà per il gol.
Nagina qualificaziun directa
Per la Svizra vegni uschia grev da sa qualifitgar a moda directa per il proxim campiunadi mundial. Be l’emprima squadra da la tabella è directamain da la partida. Las equipas che èn rangadas sin plazza dus ston dar partidas da playoff. Da nov èn las Talianas a la testa da la gruppa, las Svizras han 2 puncts damain.
Avant il gieu
Mia rolla è da tegnair aut la qualitad dal trenament e da far il «pushen» il goli numer 1 Gaëlle Thalmann.
Dapi il 2016 èn l’equipa naziunala, per il pli dentant goli da reserva
La rolla da Seraina Friedli en l’equipa naziunala è la rolla dal goli da reserva. En la fasa da qualificaziun per il campiunadi mundial ha la sportista da 29 onns da La Punt dastgà dar be ina partida. Ella lavura dentant mintga singul di per midar insatge vi da questa ierarchia. Er sch'ella è nominada «be» sco goli da reserva è sia rolla fitg impurtanta. Seraina Friedli emprova da dar impuls a l’equipa, ella emprova da procurar per ina bun'atmosfera e da mussar bunas prestaziuns en ils trenaments. Il goli numer in, Gaëlle Thalmann, saja numnadamain era be uschia buna sco ils golis che sesian sin il banc da reserva, di Seraina Friedli.
L'onn 2021 ha RTR purtretà Seraina Friedli:
