Siglir tar il cuntegn

Header

video
Intervista cun Nina Christen
Or da Tokyo 2020 Clips dals 24.07.2021.
laschar ir
cuntegn

Sajettar Bronz per Nina Christen

  • Nina Christen lantschescha a moda optimala ils gieus olimpics ord vista svizra.
  • La dunna da la Sutsilvania da 27 onns vegn surprendentamain terza en la concurrenza da sajettar cun la buis ad aria cumprimida sur 10 meters.
  • A sia segunda partizipaziun a gieus olimpics mussa la tiradura gnerva da fier.

En la qualificaziun ha la Svizra da 27 onns ditg stuì temair da betg cuntanscher il final. En la decisiun a Nina Christen lura persvadì adina pli fitg – suenter ch’ella era suenter tschintg sajets sulet sin posiziun 7. Sia medaglia da bronz è gia la 22avla olimpica per las tiraduras ed ils tiradur. Uschia ha Swiss Shooting (Federaziun svizra da tiradurs) repetì ses coup olimpic dal 2016. Tschintgs onns suenter bronz per la tiradura da pistola Heidi Diethelm Gerber a Rio cuntanscha Nina Christen medemamain il podest.

Il meglier vid il pretact fulminant: Sia disciplina pli ferma, il match en trais posiziuns sur 50 m, suonda pir anc per Christen. En quella disciplina è ella vegnida sisavla tar sia premiera a gieus olimpics il 2016.

En il final da posiziun 7 sin 3

Sco setavla da la qualificaziun è Christen sa qualifitgada per il final da las meglras otg. Là è ella sa meglierada pass per pass ed ha mussa ferma gnerva. Suenter ils emprims tschintgs sajets era Christen anc adina sin posiziun set. Cun in total da 230,6 puncts ha ella cuntanschì plazza trais. Campiunessa olimpica cun la buis ad aria cumprimida sur 10 meters – è daventada la Chinaisa Qian Yang.

RTR novitads 06:00

Artitgels legids il pli savens

Scrollar a sanestra Scrollar a dretga