Tar il slalom gigant da la dumengia a Mont Tremblant en il Canada va Lara Gut-Behrami puspè sin il podest – per la terza giada questa stagiun. Victura sco gia il di avant vegn la Taliana Federica Brignone. En il segund percurs è ella la sperta, e fa il sigl da plaz 6 sisum il podest.
Il podest:
- Federica Brignone (ITA) 2:11,95
- Lara Gut-Behrami (SUI) +0,33 sec.
- Mikaela Shiffrin (USA) +0,39 sec.
Michelle Gisin è daventada la segund-meglra Svizra, era sche ses segund percurs n'è insumma betg gartegià. Tuttina va ella sin rang 23. Tut las autras Svizras manchentan da sa qualifitgar per il segund percurs, uschia era Wendy Holdener.
La sonda dasper il podest
Suenter duas victorias a l'entschatta da la stagiun da slalom gigant sto Lara Gut Behrami sa cuntentar a Mont Tremblant cun plazza 5. Gudagnà la cursa en il Canada ha la Taliana Federica Brignone che manava gia suenter l'emprim percurs. Sin plazza dus è Petra Vlhova avant Mikaela Shiffrin. Las duas autras Svizras Simone Wild e Wendy Holdener èn vegnidas 22, respectiv 27avla.
Il podest:
- Federica Brignone (ITA) 2:14,95
- Petra Vlhova (SLC) +0,21 sec
- Mikaela Shiffrin (USA) +0,29 sec
Las Svizras:
- 5. Lara Gut-Behrami +0,59 sec
- 22. Simone Wild +3,88 sec
- 27. Wendy Holdener +5,56 sec
