Legenda:
Betg mo salata en il taglier, magari vegn er discurì salata.
Keystone
cuntegn
Salut la France - La lingua franzosa e las difficultads cun la pronunzia
Ils Franzos discurran spert, ils Franzos traguttan ils pleds, ils Franzos han era lur dialects. Mintgatant èsi difficil da chapir il franzos, e mintgatant datti era malchapientschas. A noss reporters è quai era gia capità.
En in restaurant vulevan els empustar ina salata da cesar - une salade cesar. Cun salata verda, tomatas, croutons e parmigiano. Empè dad ina salata cesar è la camariera vegnida cun sis salatas cesar.
Gie malchapientschas datti magari. Entant che quai capita mo en il restaurant na è quai dentant betg uschia mal. Lura datti simplamain in zichel dapli salata che ins sa partir cun ils collegas.
