Per regla vegn Robert Furrer sgulà la damaun sin il Piz da l'Ova Cotschna, e da là puspè engiu. Là fiss el dentant drizzà èn per star sur notg. In container da sis meters quadrat cun en il letg; igl è chaud e proviant ha el pli che avunda.
Robert Furrer era gia d'uffant gugent sulet. Quai n'è betg sa midà fin oz ch'el ha 63 onns. Igl n'è era betg l'emprima giada ch'el fa ils purtrets da l'auta vart da la muntogna. Furrer è gia stà da la partida als gieus olimpics a Turin e Sotchi.
Ses grond giavisch per la lavur a San Murezzan è da star sur notg en il container. Sche quai na vess betg da capitar pervi da l'aura, vegn el tuttina a star là ina u l'autra notg, quai per propi pudair giudair la quietezza la quala el ha tschertgà durant ils Campiunadis mundials da skis.
-
Bild 1 von 4. Robert Furrer, exponà sin il Piz da l'Ova Cotschna attira l'attenziun dals schurnalists. Bildquelle: RTR, Violanta Rominger.
-
Bild 2 von 4. Sco emprim mintga damaun sto el pachetar ora la camera. Bildquelle: RTR, Violanta Rominger.
-
Bild 3 von 4. El fa ils purtrets per l'autra perspectiva. Bildquelle: RTR, Violanta Rominger.
-
Bild 4 von 4. El fiss dirzzà èn per restar era sur notg. Bildquelle: RTR, Violanta Rominger.
RR actualitad 11:00