Legenda:
Edy il simbol dals Campiunadis mundials
RTR, Violanta Rominger
cuntegn
San Murezzan 2017 - Tge capita cun Edy suenter ils campiunadis mundials?
Per il schef medias dals campiunadis mundials, Daniel Schaltegger èsi fitg impurtant che Edy resta a San Murezzan. E quai saja bain pussaivel. I dettia differents ch'hajan interess da cumprar Edy. Tgi che quai è e per quant che l'Edy vegn vendì n'è anc betg uffizial.
Differentas organisaziuns hajan interess da cumprar Edy ed era sin champ politic vegni uss discutà co vinavant cun Edy, di Daniel Schaltegger.
L'entir success enturn il skiunz gigant haja surprendì l'organisaziun dals campiunadis mundials. Els sajan fitg cuntents, la finamira d'Edy saja cuntanschida. Tant pli impurtant saja perquai ch'el restia a San Murezzan sco simbol per quai ch'è gia prest istorgia - ils campiunadis mundials da skis 2017 a San Murezzan.
