San Murezzan 2017 - Tge ha la Svizra da far cun skiunzs da l’Afghanistan?
Ir cun skis n'ha nagina tradiziun en l'Afghanistan, ed uschia hai era duvrà ditg fin ch'ils emprims skiunzs da là èn sa participads a campiunadis mundials. Quest onn èsi stà uschè lunsch, als campiunadis a San Murezzan.
Avant sis onns ha in schurnalist svizzer organisà la ‘Afghan Ski Challenge’. Ils dus victurs han pudì vegnir en Svizra a trenar. Quest’emna èn els lura sa participads per l’emprima giada ad in campiunadi mundial da skis. Per l’Afghanistan ina premiera.