San Murezzan 2017 - Tut è pront per la cursa da las cursas
La cursa rapida dals umens tutga tar in dals puncts culminants dals Campiunadis mundials a San Murezzan. Per che tut funcziunia senza incaps dovra quai l'engaschi da bleras persunas. Er la polizia chantunala è en acziun.
La cursa roiala dals umens attira probablamain la pli gronda massa da glieud durant ils Campiunadis mundials da skis a San Murezzan. Ils organisaturs fan quint cun var 35’000 aspectaturs. Pia, tut che duai funcziunar senza incaps. Dasper il comité d’organisaziun, ils voluntaris e la schuldada è era la polizia chantunala en acziun.
La cursa rapida dals umens è la sonda ils 11 da favrer a las 12:00.