Siglir tar il cuntegn

Header

video
Sandro Simonet n'è betg pli part d'in cader da Swiss Ski
Or da Telesguard dals 15.05.2024.
laschar ir. Durada: 3 minutas 20 Secundas.
cuntegn

Sandro Simonet ed il ski alpin Ussa pir da dretg!

Il skiunz surmiran Sandro Simonet n'è betg pli part d'in cader da Swiss Ski. El cuntinuescha dentant tuttina sia carriera. Sia finamira tut persunala è da mussar ses potenzial e da puspè turnar en la cuppa mundiala.

Il spezialist da slalom è la fin da schaner 2021 stà sin il podest dal slalom da Chamonix. Quest resultat en la cuppa mundiala saja la motivaziun per cuntinuar la carriera – er sch'el na saja betg pli part d'in cader da Swiss Ski.

audio
Skis: Sandro Simonet betg pli en cader A – co vai vinavant?
ord Actualitad dals 16.05.2024. Maletg: RTR
laschar ir. Durada: 4 minutas 58 Secundas.

Il skiunz surmiran da 28 onns è questa primavaira crudà or dal cader, ils resultats na sajan simplamain betg stads buns avunda la stagiun passada per giustifitgar ina selecziun. Sandro Simonet è pront d'investir sia energia, dentant er daners en ses siemi. Uschia saja ussa da guardar da stagiun a stagiun e natiralmain er da sclerir ed organisar tut sez. Quai saja ina sfida, dentant er ina schanza. Sco quai ch'il skiunz surmiran ha ditg envers RTR, quinta el cun custs da 60'000 – 80'000 francs ch'el stoppia ussa purtar sez. El speria da chattar sponsurs per pudair cuvrir ina part da ses custs. Era veglia el lantschar in'acziun da crowdfunding, ha el ditg plinavant.

RTR actualitad 17:00

Artitgels legids il pli savens