A partir da la proxima stagiun fa il skiunz grischun Stefan Rogentin part da la squadra naziunala. Quai ha SwissSki communitgà. Tar las dunnas è la Grischuna Jasmine Fluri sco er Joana Hählen da nov part da la pli auta selecziun. Sa legrar dal return en la squadra naziunala po er Niels Hintermann suenter in onn en il cader A. Ils dus Grischuns Fadri Janutin e Livio Simonet restan en il cader B. Tuttina sco tar las dunnas Selina Egloff e Stephanie Jenal.
Diversas atletas ed atlets fan in pass enavos
Thomas Tumler da Samignun e Sandro Simonet da Casti percunter èn crudads da la squadra naziunala en il cader C. Tar las dunnas è l’Engiadinaisa Vanessa Kasper crudada dal cader B en il cader C. Er atletas ed atlets da num èn per part crudads en caders pli bass. Uschia è p. ex. Aline Danioth ch'è sa participada als gieus olimpics da nov en il cader A ed Urs Kryenbühl è da nov en il cader B.
Tut en tut consista la squadra naziunala per la proxima stagiun or da 16 atletas ed atlets. Radund 100 atletas ed atlets han fatg in pass en in dals caders da Swiss Ski.
