Jolanda Neff ha gudagnà il short track a Nove Mesto en Tschechia. A la fin hai dà in sprint fulminant. Igl è l'emprima giada dapi bunamain trais onns che Jolanda Neff gudogna ina cursa a curta distanza. Sina Frei ha manchentà il podest per in tschientavel.
- Jolanda Neff (SUI)
- Rebecca McConnell (AUS)
- Jenny Rissveds (SVE)
Sina Frei ha manchentà il podest per in tschientavel. Alessandra Keller è vegnida 6avla.
Filippo Colombo vegn terz
Er tar ils umens hai dà grazia a Filippo Colombo ina plazza da podest per la Svizra. Per il Grischun Nino Schurter hai mo tanschì per il 9avel plaz, quai il di da ses 36avel natalizi.
- Luca Schwarzbauer (GER)
- Tom Pidcock (GBR)
- Filippo Colombo (SUI)
Ils resultats dal sprint decidan la furmaziun da partenza da la cursa principala ch'è dumengia.