L'entschatta en la cuppa mundiala è dada: Litscher dumogna sco segund sin il podest. A Petropolis en Brasilia ha el procurà per ina supraisa. L'um da 32 onns è davos il Sidafrican, Alan Hatherly sin plaz 2. Ils nums gronds suondan sin las plazzas 4 fin 6. Il matadur local e favurit Henrique Avancini è vegnì quart. Suenter el èn sa tschentads Nino Schurter e Mathias Flückiger sin plaz 5 e 6.
Tar las dunnas ha Alessandra Keller fatg cun plaz 8 il meglier resultat svizzer. Ella è vegnida en l'arrivada gist avant sia cumpatriota Linda Indergand. Sina Frei ha manchentà sco 11avla ils top 10.
Jolanda Neff ha desistì dal start. La campiunessa olimpica da Tokio è cun auras e vul sa concentrar sin la cursa principala da la dumengia. In test da corona è stà negativ tar ella.