Las medaglias:
- Ryoyu Kobayashi (JPN)
- Manuel Fettner (AUT)
- Dawid Kubacki (POL)
Ils Svizzers:
- 17. Gregor Deschwanden
- 25. Simon Ammann
- 35. Dominik Peter
- 37. Killian Peier
Tar ses setavels gieus olimpics è er Simon Amman siglì anc ina segunda giada. L'um da 40 onns è vegnì 25avel. El ha pers 5 posiziuns, perquai ch'ils jurors e las juroras n'han omaduas giadas betg attestà ad el ch'el saja sa tschentà cun telemarc.
Ils emprims gieus olimpics per Killian Peier èn ids a fin cun ina trumpada. Il siglider dals top 10 en la cuppa mundiala è crudà or gia baud, perquai ch'el è siglì be 90,5 meters ed è sa tschentà sin plazza 37. Er Dominik Peter n'ha betg pudì siglir ina segunda giada.
Il victur da la tournea, Kobayashi ha gudagnà tar cundiziuns regularas davant l'Austriac Manuel Fettner, che festivescha cun 36 onns ses pli grond success. Terz è vegnì il Polonais Dawid Kubacki.
Tuts quatter avevan dumagnà en il final
Al final dal sigl cun skis sin la schanza normala han tut ils quatter Svizzers pudì sa participar. Cun daventar 7avel aveva Gregor Deschwanden procurà per la meglra prestaziun svizra en la qualificaziun.
Il meglier da la qualificaziun sin la schanza normala è stà il Norvegiais Marius Lindvik.