Simon Ammann è returnà cun in 12avel rang en la cuppa mundiala a Willingen. Il Svizzer è sgulà sin 137 e 132,5 meters ed ha uschia recaltgà en la 12avla concurrenza ses emprims puncts da quest enviern. Suenter la turnea da 4 schanzas è Ammann sa retratg en il trenament per lavurar detagliadamain vid il material. Sco i para ha el chattà ina schliaziun.
Gudagnà la concurrenza a Willingen ha il Norvegiais Halvor Egner Granerud.