L'entschatta da la stagiun da skis en la cuppa mundiala duai vegnir dada en l'avegnir al pe dal Matterhorn. La federaziun svizra da skis e quella da l'Italia han lantschà in project communabel. Tenor SwissSki saja quel sin buna via.
Gia l'atun 2023 pudessan las cursas da speed cumenzar en questa regiun. Il spezial: La partenza fiss sin 3'900 meters sur mar da vart svizra e l'arrivada sin 2'800 meters da vart taliana. I fiss l'emprima cursa da skis da la cuppa mundiala che giess sur ils cunfins ed i fiss la cursa da skis la pli auta dal mund.
Designà la pista ha il campiun olimpic dal 2010, Didier Défago.