Ina stretga terrada datti per il FC Turitg en l’emprim gieu da la fasa da gruppa da l’Europa League. Il campiun svizzer perda en ses gieu da chasa dà a Son Gagl – cun 1:2 cunter Arsenal.
Ils giasts da Londra han sajettà l’emprim gol tras in conter en la 17avla minuta, tras Marquinhos. Curt avant la pausa ha il FCZ egualisà, Mirlind Kryeziu ha realisà in penalti en la 44avla minuta. Il gol decisiv ha lura Eddie Nketiah marcà cun il chau en la 62avla minuta. Il chapitani da la naziunala svizra Granit Xhaka è stà l’entir gieu sin il plaz tar Arsenal.
Basilea cumenza cun victoria
Cun success parta il FCB en la Conference League. Cunter il campiun da l’Armenia Pjunik Jerewan resulta a chasa in 3:1. Darian Males ha sajettà ils da Basilea en avantatg en la 23avla minuta, cun in penalti. Dentant mo 4 minutas pli tard han ils giasts pudì egualisar. Ils dus ulteriurs gols per il FCB ha l’Ollandais Wouter Burger fatg, en la 54avla e la 76avla minuta.
Vaduz fa in punct
Si'istorgia da success cuntinuescha il FC Vaduz cun realisar ses emprim punct, cun in 0:0 cunter Apollon Limassol. En las entiras 90 minutas hai dà in sulet culp sin in gol, tratg dals giasts da la Cipra.