Ski alpin - Cursa aval dals umens a Saalbach è vegnida ditga giu
Pervia da las cundiziuns da l’aura è la cursa aval vegnida ditga giu. Nov curriders èn schon stads a l’arrivada. Sper la tschera è er crudada naiv. Suenter che la cursa è schon vegnida interrutta per in’ura ha la giuria lura decidì da dir giu la cursa.
Damaun stat sin il program la proxima cursa aval, er a Saalbach. Las cundiziuns duain damaun esser meglras.
Tenor il chalender da la cuppa mundiala è la cursa aval da damaun la terzultima.
Cura che la cursa è vegnida interrutta, era Beat Feuz sin il quart plaz. Sco ch'el ha ditg envers SRF, haja el gì il sentiment, che ses skis tatgian bunamain vid la naiv.