Siglir tar il cuntegn

Header

video
Proxim termin: dumengia
Or da Beijing 2022 Clips dals 19.02.2022.
laschar ir. Durada: 25 Secundas.
cuntegn

Ski alpin Event da team spustà sin dumengia – Luca Aerni na parta betg

La davosa cursa alpina da quest gieus olimpics sto vegnir spustada sin dumengia. Quai pervi dal ferm vent. Igl è la segunda cursa che sto vegnir spustada durant quests gieus olimpics. La previsiun da l'aura n'è dentant era betg buna per la dumengia. I saja schizunt da quintar cun anc dapli vent.

Luca Aerni na parta betg

Che las cursas dal event da team èn pir la dumengia ha era consequenzas logisticas. L'equipa svizra aveva planisà da sgular enavos en Svizra la dumengia. Ed era il team ch'è responsabel per mesirar il temp aveva plans da partir la dumengia. Luca Aerni ha annunzià da betg partir al event da team. Il skiunz è gia da viadi a Garmisch-Patenkirchen. Là parta el la fin d'emna proxima en in slalom.

Co funcziuna il event da team?

Avrir la box Serrar la box

16 equipas cumbattan en in turnier da slalom parallel. Quatter curriders e curridras encunter quatter d'ina autra naziun. La naziun cun dapli puncts vegn en la proxima runda.

Schi stat 2:2 quinta il meglier temp cumulà.

Il event da team ha gì premiera als gieus olimpics 2018 a Pyeongchang. Là ha la Svizra gudagnà aur.

En il event da team maschedà partan per la Svizra Andrea Ellenberger, Wendy Holdener, Camille Rast, Justin Murisier e Gino Caviezel. L'emprim adversari da la Svizra è la China.

Nagina opziun da spustar vinavant

Spustar la cursa sin il final da la cuppa mundiala mez mars a Courchevel na saja nagina opziun, ha ditg Peter Gerdol, il directur da cursas da las dunnas da la FIS.

Per las cursas olimpicas è il IOC responsabel.
Autur: Peter Gerdol directur da cursas da la FIS

La cursa rapida dals umens era vegnida spustada da la dumengia sin glindesdi avant duas emnas. Quai era pervi dal ferm vent.

RTR novitads 06:00

Artitgels legids il pli savens