Gian Franco Kasper è mort en la vegliadetgna da 77 onns. Quai ha confermà Flavio Roda, il president da la Federaziun da sport d'enviern taliana. Il Grischun è stà dal 1998 enfin 2021 president da la Federaziun internaziunala svizra da skis. El aveva surpiglià l'uffizi dal Bernais Marc Hodler. Avant era Kasper stà 23 onns il secretari general da la FIS.
Kasper è mort curt suenter che Johan Eliasch da la Svezia è vegnì elegì sco ses successur. Gia al mument da l'elecziun avant tschintg emnas na steva el betg bain. Pervia da problems cun la respiraziun era el durant plirs dis en l'ospital sin la staziun intensiva. El n'ha uschia era betg pudì prender part a l'elecziun da Eliasch.
Ord l'archiv
L'onn 2000 è Gian Franco Kasper da San Murezzan vegnì elegì a Sydney sco commember en il comité internaziunal olimpic.
