Per 7 tschientavels ha Wendy Holdener manchenta il podest dal slalom da notg a Flachau. Bain ha Holdener fatg en il segund percurs il pass da plazza 5 sin plazza 4. Per dapli n'hai dentant betg tanschì.
Gudagnà la cursa ha sco gia la davosa giada la Slovaca Petra Vlhova avant la Svedaisa Anna Swenn Larsson e l'Americana Mikaela Shiffrin.
Michelle Gisin è vegnida 9avla, Aline Danioth 12avla ed Elena Stoffel 18avla.
RTR novitads 22.00