Las temperaturas autas e la plievgia han er effectuà a moda schleta la pista «Stelvio». Sut quellas circumstanzas na saja betg stà pussaivel da preparar ina pista adattada per la cursa. La segirezza na possia betg vegnir garantida uschia.
Il segund super-G era planisà per remplazzar quel che ha stuì vegnir disditg la fin november a Lake Louise en il Canada. L'ultima schanza per anc pigliar suenter quel datti a Kvitfjell. L'entschatta mars è planisada en Norvegia dasper ina cursa rapida er in super-G. Suenter datti sulet anc il super-G al final da la stagiun a Courchevel/Méribel en Frantscha.
Kranjska Gora enstagl Maribor
L'emna che vegn fissan stadas planisadas las cursas da la cuppa mundiala da las dunnas a Maribor. Er da quellas èsi da desister. Sco la Federaziun internaziunala da skis ha communitgà sforzian er là la situaziun da naiv e las prognosas da l'aura betg empermettentas a questa decisiun – enstagl duain quellas avair lieu a Kranskja Gora en Slovenia.
Sonda en in'emna ha lieu in slalom gigant, in di pli tard in slalom.
