A Kranjska Gora en Slovenia na datti la fin d'emna nagin slalom gigant dals umens. La Federaziun internaziunala da skis ha decis da stritgar la cursa senza remplazzar ella.
La raschun per gia annullar uss la cursa da la sonda èn las nauschas prognosas da l'aura. Il medem mument vegnia il slalom da la dumengia spustà sin la sonda. La dumengia na datti uschia nagina cursa.
Marco Odermatt na po uschia anc betg rumper questa stagiun da skis il record da 14 victorias en il slalom gigant. Fin uss tegna Ingemar Senmarks quest record.