Wendy Holdener è sa blessada tar il trenament da slalom en l'Italia e croda perquai ora per plirs mais. La skiunza da 30 onns ha rut il giarlet sanester e vegn operada anc mardi en la clinica Hirslanden a Turitg.
Pudess esser la fin da la stagiun
Sco quai ch'il medi da l'equipa Walter Frey di, stoppia ella suenter laschar ruassar il pe almain per dus mais. La fin favrer u l'entschatta mars vegnian els a decider sche Holdener turnia anc ina giada en la stagiun da skis 2023/24.