Il Grischun Alex Fiva è vegnì terz a la cursa da la cuppa mundiala a Reiteralm en l'Austria. Ses collega da team Ryan Regez è vegnì quart. Gudagnà la cursa ha il Canadais Reece Howden avant il Giapunais Ryo Sugai. Regez è avant il final da la stagiun da l'autra fin d'emna a Veysonnaz a la testa dal classament general.
Tar las dunnas ha Fanny Smith betg prendì part da las cursas da final, ella vul sa schanegiar per las davosas cursas a Veysonnaz. Smith sto anc adina sa revegnir d'ina blessura dal schanugl. Gudagnà tar las dunnas ha la Svedaisa Sandra Näslund.