La skiunza da freestyle svizra Mathilde Gremaud ha fatg als X-Games ad Aspen ina ulteriura medaglia. La dunna da 21 onns ha cuntanschì en il slopestyle il segund plaz. Meglra è sulet la Franzosa Tess Ledeux stada. Igl è la quarta giada che Gremaud cuntanscha il podest tar l'occurrenza ch'ha lieu mintg'onn en ils Rocky Mountains.
Andri Ragettli trumpà
Per il freeskier da Flem, Andri Ragettli n'è la concurrenza da Big-Air als X-Games ad Aspen betg passada sco giavischà. Mo in dals 6 sigls è pli u main grategià. Tranter ils 8 participants è Ragettli vegnì 7avel.
Igl è pir stà il segund cumbat per Ragettli suenter ch'el aveva rut il liom cruschà il mars passà. Avant in'emna avev'el dà ses comeback e gist gudagnà la concurrenza en las Pyreneas franzosas. Gudagnà il Big-Air ad Aspen ha l'American Alex Hall.