La skiunza da freestyle grischuna Giulia Tanno ha cumenzà perfetg la stagiun. La giuvna da 22 onns ha gudagnà l'emprim Big Air da la stgiun a Kreischenberg en la Steiermark.
Cun ses terz ed ultim sigl ha Tanno battì sia concurrenta da la Frantscha Tess Ledeux per in punct. Terza è vegnida Kelly Sildaru da l'Estonia.
Per Tanno èsi il segund triumf en la cuppa mundiala da sia carriera, suenter ch'ella ha gudagnà il City-Event a Mönchengladbach il 2018.
Ragettli vegn 5avel
Tar ils umens è il sursilvan Andri Ragettli vegnì 5avel. Meglier svizzer è stà Kim Gubser sco 4. Gudagnà il Big Air ha il norvegiais Birk Rudd. Quai cun quatter punct avant il franzios Antoine Adelisse. Terz è vegnì il svedais Oliwer Magnusson.
