La skiunza da freestyle grischuna, Giulia Tanno, manchenta ils gieus olimpics a Peking. La giuvna da 23 onns sto laschar operar il schanugl pervia d’ina blessura vi dals lioms. Quai ha communitgà Swiss Olympic. Ella fiss stada da la partida tar la concurrenza da Big-Air e Slopestyle.
Sa blessada è Tanno l'emna passada tar ils X-Games ad Aspen en ils Stadis Unids, durant sa stgaudar. Cun quai manchenta la Giulia Tanno per la segunda giada gieus olimpics. Gia avant quatter onns n'era ella betg stada da la partida en la Corea dal Sid, perquai ch'ella veva rut il bratsch.
Ord l'archiv
video
Giulia Tanno da Lai cun grondas ambiziuns
Or da Telesguard dals 09.03.2021.
laschar ir. Durada: 3 minutas 30 Secundas.