Mathilde Gremaud ha stuì tremblar per la qualificaziun en il slopestyle da ski freestyle. Sco 12avla e cunquai ultima ha ella survegnì il ticket per partir en il final. Als ultims gieus olimpics a Pyeongchang aveva Mathilde Gremaud gudagnà bronz.
Trumpada per Sarah Höfflin
Betg tanschì hai per sia cumpatriota Sarah Höfflin ch'ha aveva anc gudagnà als gieus olimpics dal 2018 aur en la medema disciplina. Sarah Höfflin na po pia betg partir damaun en il final da las meglras 12.