- Fanny Smith e Jonas Lenherr han gudagnà a Bukariani en la Georgia l'emprim cumbat da team en la cuppa mundiala dal sckicross insumma.
- La victura da la cuppa mundiala, Smith ha mintgamai procurà per la differenza
- Las autras equipas svizras èn crudadas ora en ils quartfinals.
Il di suenter la victoria dal classament general en il skicross, ha Fanny Smith puspè gudagnà, questa giada ensemen cun Jonas Lenherr en l'event da team. La Svizra ha persvadì en ils trais heats ed ha manà la Svizra en il final cun 36 tschientavels avantatg a la victoria.
Il fundament per il triumf svizzer ha Lenherr mintgamai mess en ils heats dals umens. L'um da 31 onns ha pudì confermar sia performanza che vegn per il mument meglra ed ha pudì tegnair bass il retard.
Davos la Svizra è sa tschentà il Canada cun Courtney Hoffos e Christopher Delbosco, la Svezia cun campiunessa mundiala Sandra Näslund e David Mobärg cumpletteschan il podest.
