Siglir tar il cuntegn

Header

video
Lenherr mussa ina cursa intelligenta
Or da Sport-Clip dals 17.02.2023.
laschar ir. Durada: 1 minuta 51 Secundas.
cuntegn

Skicross a Reiteralm Lenherr cun emprima victoria dapi il 2018

Il Svizzer Jonas Lenherr va sisum il podest, tar la cursa da skicross a Reiteralm en l’Austria. Las Svizras na vegnan betg uschè bain sin turas, Talina Gantenbein daventa 7avla.

  1. Jonas Lenherr (SUI)
  2. Oliver Davies (GB)
  3. Tyler Wallasch (USA)

En il final è Lenherr ditg stà terz. Cun in ferm spurt final ha el surpassà ses dus concurrents. Cun sia quarta victoria en la cuppa mundiala, l’emprim dapi il december 2018 ad Arosa – dat l’atlet da 33 onns in ferm signal en vista als campiunadis mundials da l’emna che vegn.

Ils Svizzers Marc Bischofberger e Joos Berry èn crudads ora en l’otgavelfinal.

Final pitschen per Gantenbein e Lack

Tar las dunnas ha Talina Gantenbein fatg plaz 7. Ses quartfinal aveva la Grischuna anc gudagnà. Saskja Lack ha cuntanschì ses meglier resultat en la cuppa mundiala, cun plaz 8. Victura daventa la Svedaisa Sandra Näslund.

  1. Sandra Näslung (SWE)
  2. Sonja Gigler (AUT)
  3. Jole Galli (ITA)

Fanny Smith ha stuì dar forfait. La Svizra da 30 onns era cupitgada ferm la gievgia. Sco Swiss-Ski scriva, haja ella ina leva squassada dal tscharvè. Plinavant haja ella sturschì il schanugl. Tenor emprimas examinaziuns en l’Austria na sa tracti betg dad ina blessura dal schanugl gravanta. Tuttina vegnia fatg anc fatg in MRI en Svizra.

RTR novitads

Artitgels legids il pli savens