Siglir tar il cuntegn

Header

video
Cursa d'Alex Fiva il venderdi
Or da Sport-Clip dals 02.02.2024.
laschar ir. Durada: 3 minutas 2 Secundas.
cuntegn

Skicross ad Alleghe Fiva tutga en Aujesky durant vargar e survegn charta melna

Tar la cursa da skicross ad Alleghe en l'Italia hai dà il venderdi dà duas plazzas da podest grischunas. L'Engiadinaisa Talina Gantenbein è vegnida terza, ed Alex Fiva da Parpan segund.

video
Fiva rumpa las reglas cun vargar qua
Or da Sport-Clip dals 03.02.2024.
laschar ir. Durada: 47 Secundas.

En la segunda cursa da skicross la sonda vegn el dentant sin il quart plaz. Atgnamain ha tutgà Johannes Aujesky durant vargar. Pervia da quai ha el survegnì ina charta melna.

Gantenbein terza il venderdi

Talina Gantenbein ha anc cuntanschi il terz plaz il venderdi, la sonda è ella vegnida sisavla. Er Fanny Smith ha stuì dar forfait suenter ina cupitgada.

video
Lack e Gantenbein van sin il podest il venderdi
Or da Sport-Clip dals 02.02.2024.
laschar ir. Durada: 3 minutas 17 Secundas.

Per la skiunza da Scuol è quai uschia gia la terza giada ch'ella po festivar in rang trais en ina cuppa da la cursa mundiala. Cun Saskja Lack sco segunda è vegnida in'ulteriura Svizra sin il podest da las dunnas. Er Lack n'ha dentant betg pli pudair ir sin il podest la sonda.

Alex Fiva ha be per pauc manchentà la victoria sco segund – quai dus onns suenter sia ultima victoria. Il skicrosser da Parpan è ditg stà a la testa en il final. L'ultim mument ha el però stuì laschar surpassar dal Svedais Erik Mobärg.

RTR novitads 14:00

Artitgels legids il pli savens