Siglir tar il cuntegn

Header

Talina Gantenbein
Legenda: Als gieus olimpics 2018 a Pyeongchang è Talina Gantenbein vegnida 12avla. Keystone
cuntegn

Skicross dunnas Talina Gantenbein vul procurar per in exploit

Per la skiunza da Scuol èn ils gieus olimpics a Peking gia ils segunds en sia carriera giuvna. La preparaziun sin Peking 2022 è dentant stada tut autra ch'optimala.

Avant quatter onns, a Pyeongchang, è Talina Gantenbein vegnida 12avla en la cursa dal skicross. Per la giuvna, ch'aveva lura 19 onns, in success. Che la skiunza da Scuol ha potenzial per anc dapli ha ella dentant mussà spezialmain ils ultims 12 mais. Pliras giadas ha ella fatg il pass en ils top 10. Al campiunadi mundial en Svezia avant bun in onn è ella vegnida quarta ed ha manchentà ina medaglia mo per pauc.

audio
Peking2022: Skicross: Talina Gantenbein vul in exploit
aus Actualitad vom 16.02.2022.
abspielen. Laufzeit 3 minutas 3 Sekunden.

In mais d'emblidar

Mez schaner è Talina Gantenbein cupitgada grevamain durant ina cursa da la cuppa mundiala en il Canada. Dapi lura n’ha l’atleta da 23 onns absolvì naginas cursas. Quai ha era da far cun il fatg, ch’ella ha gì corona curt suenter. La preparaziun sin ils gieus olimpics 2022 è pia stada tut autra che optimala per l’Engiadinaisa. Tuttina sa senta Talina Gantenbein uss bain ed è pronta per procurar per in exploit a Peking.

RTR actualitad 17:00

Artitgels legids il pli savens

Scrollar a sanestra Scrollar a dretga