Talina Gantenbein arriva fin en il mezfinal tar la cursa en la Val Thorens en Frantscha. En il final pitschen batta ella lur tut las concurrentas, e fa uschia plaz 5. Victura daventa la Svedaisa Sandra Näslund. Fanny Smith ha in dafraid, e per sa schanegiar ha ella rut giu sia cursa en il quartfinal. Ella vul esser fitta per la cursa da glindesdi ad Arosa.
Podest per Bischofberger
L’Appenzellais Marc Bischofberger daventa terz, e realisescha uschia ses emprim plaz da podest dapi il favrer 2020. Il Grischun Alex Fiva è cupitgà en sia cursa dal quartfinal. Jonas Lenherr e Ryan Regez n’èn betg vegnids pli lunsch ch’ils otgavelfinals. Gudagnà tar ils umens ha l’Austriac Mathias Graf.
