La skiunza Fanny Smith ha cumenzà bain la stagiun da skicross a Secret Garden en la China. La Svizra daventa segunda, sulet la Svedaisa Sandra Näslund è stada pli sperta en il final. Las ulteriuras Svizras Talina Gantenbein, Sanna Lüdi e Sixtine Cousin èn tuttas gia crudadas ora en ils quartfinals.
Tar ils umens èn gia ils otgavelfinals stads la staziun finala per tut ils sis Svizzers qualifitgads, era per il Grischun Joos Berry. Gudagnà ha il Russ Sergej Ridzik.
En radund dus mais han las concurrenzas olimpicas da skicross lieu a Secret Garden.
