La Grischuna Talina Gantenbein è crudada ora en il quartfinal. Ella è collidada cun la Canadaisa India Sherret – omaduas han stuì vegnir tgiradas medicinalmain. Talina Gantenbein ha dentant pudì bandunar la pista suenter in quart d'ura – sin ses skis. Sherret han ins stuì transportar davent cun la schlieusa da salvament.
Dals set umens svizzers èn mo ils Grischuns Alex Fiva e Joos Berry vegnids pli lunsch ch'ils otgavelfinals. Per Fiva è l'occurrenza stada a fin en il quartfinal, per Berry en il mezfinal.