La carriera da Joos Berry – il skiunz da skicross da la Purtenza – va a fin cun in success. Paucas uras avant la fin da la stagiun ha il Grischun da 32 onns annunzià da sa retrair. La finala è el lura vegnì terz en la cursa da skicross a Craighleith en il Canada. Per Berry èsi la 5avla plazza da podest en 81 cursas da la cuppa mundiala, duas giadas ha el gudagnà. Gudagnà la cursa ha Brady Leman. Era per il Canadais da 36 onns è quai stà la davosa cursa.
Tar las dunnas ha Fanny Smith manchentà la terza victoria en seria. La Svizra è cupitgada en il final. Gudagnà la cursa ha la Franzosa Marielle Berger Sabbatel.