Il skicrosser grischun Alex Fiva ha gudagnà la segunda cursa en la Val Thorens. Quai suenter ch'el aveva mussà la sonda ina cursa tut autra che buna, lura era Fiva be vegnì 45avel. Cun meglieras cundiziuns d'aura dumengia ha l'atlet grischun mussà ina megliera prestaziun e dumagnà l'entira concurrenza. Il podest cumpletteschan il Franzos Terence Tchiknavorian ed il Talian Simone Deromedis.
Tar las dunnas è Fanny Smith vegnida segunda davos la dominatura Sandra Näslund da la Svezia. Talina Gantenbein da Scuol ha cuntanschì rang otg. Las proximas cursas dal skicross èn mardi e mesemna proxima ad Arosa.