Il skiunz svizzer Gilles Roulin terminescha sia carriera suenter passa 100 cursas en la cuppa mundiala. Quai ha fatg a savair l'atlet da 29 onns en ina communicaziun. En sia carriera ha Roulin cuntanschì 4 giadas ina plazza tranter ils megliers 10. Ses meglier resultad aveva el cuntanschì l'onn 2017 en la cursa rapida da Gherdëina. Là era el vegnì quart.
Ulteriurs puncts culminants da sia carriera eran ils gieus olimpics il 2018 ed il campiunadi mundial il 2019.
El saja fitg cuntent cun sia carriera, ha ditg Roulin suenter sia decisiun da chalar. El haja però sentì gia baud questa stagiun, che quai vegnia bain ad esser sia davosa.
