Siglir tar il cuntegn

Header

cuntegn

Slalom a Garmisch Nef manchenta podest pervida sbagl – Meillard daventa segund

Trumpada tar Tanguy Nef en il percurs final dal slalom a Garmisch-Patenkirchen. Malgrà ch'el era anc il pli spert suenter il emprim percurs. En il segund percurs è el ids en il risico e perquai curdads ora anc avant la partenza. Il Norvegais Henrik Kristoffersen ha gudagnà la cursa. Segund è Loïc Meillard cun in retard da 14 tscheintavels e terz l'Austriac Manuel Feller.

video
Loïc Meillard daventa segund a Garmisch
Or da Sport-Clip dals 26.02.2022.
laschar ir. Durada: 1 minuta 22 Secundas.

Era Luca Aerni e Sandro Simonet èn curdads ora en il segund percurs. Daniel Yule è vegnì sco 5avel en l'arrivada. Per Ramon Zenhäusern hai be tanschì per il plaz 24.

Emprim percurs

Suenter il emprim percurs era la situaziun per ils skiunz svizzers optimala: Tanguy Nef è stà il pli spert. Cun la numra da partenza 25 ha el mussà in bun emprim percurs ed uschia segirà la megliera cundiziun da partenza per il percurs final. El aveva in avantatg da 7 tschientavels sin il Norvegiais, Henrik Kristoffersen.

video
Emprem percurs da Tanguy Nef
Or da Sport-Clip dals 26.02.2022.
laschar ir. Durada: 1 minuta 34 Secundas.

Loïc Meillard e Daniel Yule suondan sin il 3. respectivamain 4. plaz. Melliard cun in retard dad 8 tschientavels sin Nef ed uschia be in tschientavel pli plauns che Kristoffersen.

RTR novitads 11:00

Artitgels legids il pli savens